16 noyabr tarixində Kapital Bankın Baş İcraçı Direktoru Fərid Huseynov, Trendyol-un PR və Dayanıqlılıq üzrə rəhbəri İrem Poyraz, PwC nümayəndəsi Xəyalə Eylazova və EY şirkətinin partnyoru Timoti Qrosser COP29-da “Rəqəmsallaşma ilə Dayanıqlılıq” panelində fintex və süni intellektin karbon emissiyalarının azaldılmasındakı rolunu müzakirə ediblər. “Rəqəmsal Transformasiya ilə İdarəetmənin Şəkilləndirilməsi” sessiyasında isə PAŞA Bankın Təhlükəsizlik blokunun baş direktoru Vasif Qasimov, İqtisadiyyat Nazirliyinin İnnovasiyalar üzrə müşaviri Rauf Nəcəfli, PwC Avrasiyanın Texnologiya Direktoru Farid Qattal və Kapital Bankın Ödəniş Sistemləri ofisinin lideri Zakir Xanməmmədov texnologiyanın qlobal idarəetmə çağırışlarını necə həll edə biləcəyini müzakirə ediblər. “İqlim Maliyyəsi” panelində isə PAŞA Holding-in Baş Strategiya İnzibatçısı Teymur Hüseynov, Commerzbank-ın ekoloji, sosial və idarəetmə (ESG) üzrə Baş Direktoru və ESG Məsləhətçisi Bülent Karakaya, ABŞ Xəzinədarlığının nümayəndəsi İtan Zindler və Wood Mackenzie-dən Ed Crooks yaşıl keçid üçün innovativ maliyyə barədə müzakirə ediblər. “Yaşıl Biznes Quruculuğu” panelində isə PAŞA Innovations-un Baş İcraçı Direktoru Fərrux Əliyev, BeWorks UK-in təsisçisi və Baş İcraçı Direktoru Fidan Cavadova, BMT-nin Gənclər üzrə nümayəndəsi Anastasija Đorđa Bosančić, S3/Esyasoft Technologies-in ölkə meneceri Mövlan Paşayev və McKinsey-in Baş Partnyoru Stefan Helmke yaşıl startapların inkişafı barədə fikir mübadiləsi aparıblar.

18 noyabrda isə PAŞA Bankın İnsan Resursları üzrə Direktoru Zibeydə Hacıyeva dayanıqlı inkişaf üçün istedadların gücləndirilməsinə dair panel müzakirəsində moderator qismində çıxış edib. Müzakirədə ADA Universitetinin prorektoru Fariz İsmayılov, Dentons-un partnyoru Ulvia Zeynalova-Bockin, World International Foundation-un Baş İcraçı Direktoru Kim Qabrielli və AZAL-ın İnsan resursları departamentinin müdiri Ellada Alışova iştirak ediblər. PAŞA Holding-in Aparat Rəhbəri Dəyanət Sədullayev, İslam İnkişaf Bankı tərəfindən təşkil olunan “Post-Konflikt Regionlarında Qadınlar və Gənclər Tərəfindən İdarə Edilən Bizneslərin Dayanıqlı İnkişafı” panelində iştirak edib.