Birinci panel – “Dayanıqlı Kənd Təsərrüfatı”, AgroDairy şirkətinin baş direktoru Niyazi Əmirbəyovun moderatorluğu ilə keçirildi. Paneldə Macarıstanın MATE Universitetinin baş direktoru David Bekesi, Gut Hardegg təsərrüfatının sahibi Maks Hardegg, Azərbaycan Respublikasının Kənd Təsərrüfatı Nazirinin müşaviri Zaur Əliyev və Al-Dhara şirkətinin baş direktoru Arnoud Van Der Berg maraqlı fikirlər səsləndirdilər.

İkinci panel – “Azərbaycanda Aqro Ekosistem”, McKinsey şirkətinin tərəfdaşı Maksim Ufayevin moderatorluğu ilə təşkil edildi. Bu paneldə AgroDairy şirkətinin Strategiya və Rəqəmsallaşma şöbəsinin rəhbəri Maksimilian Hartiq, Paşa Bankın baş direktor müavini Bəhruz Nağıyev və Prime Cotton şirkətinin baş direktoru Rövşən Mahmudov müxtəlif perspektivlər təqdim etdilər.

Bu müzakirələr regionda və daha geniş miqyasda kənd təsərrüfatında dayanıqlılığı və davamlı inkişafı təşviq edən innovativ həllər, sektoral əməkdaşlıq və strateji yanaşmalar kimi mövzuları əhatə etdi.