“PAŞA Holding” MMC-nin dəstəyi ilə Qobustan rayonunun Xilmili kəndində futbol və basketbol meydançası tikilib. Holdinqin bu tədbiri həyata keçirməkdə asas məqsədi ölkənin müxtəlif bölgələrində müvafiq idman şəraitinin yaradılmasını dəstəkləmək, həmçinin yaranmış vəziyyətdə ölkənin idman və səhiyyə istiqamətlərinin inkişafına töhfə verməkdir. Sözügedən idman meydançasının açılış mərasimində Qobustan rayonunun icra başçısı Adil Məmmədov iştirak edib. “PAŞA Holding” MMC-nin Baş İcraçı Direktoru Cəlal Qasımovun dediyinə görə, “İdman daim həm PAŞA Holdinqin, həm də Qrupumuza daxil olan digər şirkətlərin Korporativ Sosial Məsuliyyət siyasətinin əsas istiqamətlərindən biri olub”.