20 iyul 2018-ci il tarixində PAŞA Holdinq, PAŞA Sığorta, PAŞA Bank, Kapital Bank və digər PAŞA Qrup şirkətlərinin əməkdaşlarının birgə iştirakı ilə Görədil çimərliyində "Sahilyanı Təmizlik" tədbiri keçirilib. Tədbirin əsas məqsədi sahilyanı ərazinin təmizlənməsi və çimərliklərə qayğı göstərilmənin təşviqidir. "Sahilyanı Təmizlik" tədbirində “PAŞA Holding” MMC-nin Direktoru Mir Camal Paşayev daxil olmaqla, ümumilikdə 40 əməkdaş iştirak edib. Birgə səy nəticəsində çimərlik ərazisi 500 kq-a yaxın zibil və tullantılardan təmizlənərək Təmiz Şəhər ASC-nin zibil zavoduna təhvil verilib

​“PAŞA Holding” MMC-nin Direktoru Mir Camal Paşayev bu kimi tədbirlərin davamlı olacağını və onların növbəti illərdə də keçirilməsinin planlaşdırıldığını qeyd edərək, tədbirlərə daha çox könüllülərin cəlb edilməsinin arzuolunan olduğunu vurğulayıb.