DİREKTORUN MÜRACİƏTİCƏLAL QASIMOV

Jalal Gasimov

2006-cı ilin noyabr ayında yaradılan, baş ofisi Bakıda yerləşən "PAŞA Holding" MMC fəaliyyət göstərdiyi illər ərzində Azərbaycanın ən öndə gedən və korporativ idarəetmə təcrübəsini öz fəaliyyətində rəhbər tutan milli özəl biznes qruplarından birinə çevrilib. Holdinqin əsas investisiyaları maliyyə xidmətləri - bankçılıq və sığorta, tikinti, turizm və daşınmaz əmlak kimi qeyri-neft sektorlarında cəmlənib. Bir neçə il ərzində Holdinq, səhmdarların Korporativ Dəyərlərini və Baxışını nəzərə alaraq uğurlu korporativ idarəetmə təcrübəsi, biznes diversifikasiyasının uğurlu tətbiqi və regional genişlənmə strategiyası sayəsində regionun mühüm və çoxtərəfli investisiya şirkətinə çevrilib.


Biz hal-hazırkı gərgin biznes mühitində etimadlılığın əhəmiyyətinə qəti şəkildə inanırıq və Korporativ Dəyərlər üzərində qurulan strategiyamızın etibarlılığına əminik. Biz ən uğurlu korporativ təcrübənin, etimad və davamlılığın bariz nümunəsi olmaqla yanaşı, ölkəmiz, səhmdarlarımız və müştərilərimiz daxil olmaqla bütün tərəf-müqabillərimizə xüsusi diqqət və qayğı ilə yanaşırıq.